Pawi khawihna tuarte zangnadawmna hlân

Serchhip District Le­gal Services Authority chuan, nimin khan Ser­chhip District Court con­ference hall-ah Mizo­ram Victims of Crime Compensation (Amend­ment) Scheme, 2016 hnuaiah Serchhip dis-trict-a pawi khawihna tuartute hnenah zangna­dawmna an hlan.

Nimina zangna­dawm­na hlannaah hian pawi khawihna/sualna vanga vanduaina tâwk mi panga hnenah Rs. 14,00,000 sem a ni. Sorkar thuchhuah tarlan danin, Mizoram Victims of Crime Compensation (Amendment) Scheme, 2016 hnuaiah hian Serchhip district bikah mi 10 hnenah zangna­dawmna pek a ni tawh a, mi 10-te hnenah chuan Rs. 19,20,000 sem chhuah a ni tawh.

He dan hmang hian pawi khawihna tuartute hnenah zangnadawmna pek theih a ni a, van­duaina an tawh dan azirin zangnadawmna hmuh theih zat erawh a inang lo. Pawi khawihna tuartu chu kum 14 hnuai lam a nih chuan zangnadawmna pek tur bithliah aṭangin a zatve (50%)-a pungin pek tur a ni bawk.

Zangnadawmna hmuh theih zat
# Vanduaina tawh dan Sum hmuh
theih tlem ber
1. Acid attack Rs. 3,00,000
2. Pawngsual Rs. 3,00,000
3. Naupang chunga hleihlenna Rs. 2,00,000
4. Human trafficking tuartu Rs. 1,00,000
5. Zahmawh rawngkai
inchhaihna (pawngsual tel lo) Rs. 50,000
6. Thihna Rs. 2,00,000
7. Ramtuileiloa awm phah Rs. 2,00,000
8 Ramtuileiloa awm nêp deuh Rs. 1,00,000
(40-80 % partial disability)
9. Taksaa kâng tuar (25% aia nasa) Rs. 2,00,000
10. Nu pum chhunga naute thi (loss of foetus) Rs. 50,000
11. Nau pai theih loh phah (loss of fertility) Rs. 1,50,000