Zirna in tehnaah MZU dinhmun a sang

Sorkar laipuia Ministry of Human Resource Development (MHRD) hnuaia National Insti­tutional Ranking Framework (NIRF)-in, kum 2017-a tehna hrang hrang hmanga India rama zirna in ṭha a thlan chhuahah Mizoram Univerisity chu zirna in 3,000 chuang zingah 94-na a ni a; university bikah 58-na a ni.

Mizoram University public relations officer (PRO)-in a tarlan danin, NIRF-in India rana zirna in sang (higher institution) - university, engineering, management, pharmacy institution leh college 3,000 chuangte chu tehna hrang hrang hmangin an teh a; chutah chuan a pumpui (overall)-ah MZU chu 94-na a ni.

Zirna in ṭha award hlanna inkhawm hi April 10, 2017 khan President chenna, Rashtrapati Bha­van-a Culture Centre-ah hman a ni a, President Pranab Mukherjee-a'n award-te chu a sem. MZU aṭangin vice chancellor Prof. Lianzela leh Prof. Diwakar Tiwarite an kal a ni.

Lawmman semnaah hian overall ranking-a a ṭha zual 100 hnenah lawmman hlan a ni a, overall ranking-a lawmman dawng pha zingah India hmarchhak state aṭangin zirna in paruk an tel.

India rama university 700 chuang awm zingah MZU chu 58-na a ni a; a ṭha zual 100 zingah hmarchhak state-a university paruk an tel pha a ni.

NE aṭanga overall ranking top 100-a langte
Institution Din kum Awmna Point Rank
Indian Institute of Technology 1994 Guwahati 60.37 8
Gauhati University 1948 Guwahati 44.42 43
Tezpur University 1994 Tezpur, Assam 43.78 48
North Eastern Hill University 1973 Shillong 40.51 77
Mizoram University 2000 Aizawl 38.36 94
Rajiv Gandhi Indian Institute
of Management 2007 Shillong 37.28 99
NE aṭanga university top 100-a langte
University Din kum Awmna Point Rank
Gauhati University 1948 Guwahati 44.42 27
Tezpur University 1994 Tezpur, Assam 43.78 30
North Eastern Hill University 1973 Shillong 40.51 48
Mizoram University 2000 Aizawl 38.36 58
Rajiv Gandhi University 1984 Itanagar, Arunachal 36.15 76
Assam University 1994 Silchar, Assam 34.38 92