KHAWTHLIR
CEM chawimawi
Lawngtlai district MJA-te chuan nimin khan Lai Autonomous District Council (LADC)-a chief executive member thar T Zakunga chu nimin khan chawimawina thuziak an hlan. Lawngtlai MJA president ZD Dengngura chuan, hun eng emaw chen MJA member lo ni tawh T Zakunga chu thinlung taka an lawmpui thu sawiin, LADC sorkar thar leh MJA-te thawhhona ṭha tak nei turin MJA-te an inkau reng thu a sawi.
Thisen pe
Baptist Higer Secondary School, Serkawn, Lunglei chuan nimin khan an sikulah blood donation camp an huaihawt a, mipa 37 leh hmeichhia 15-te'n Lunglei Civil Hospital tan thisen unit 52 an pe.
Mock drill
National Disaster Response Force (NDRF), Guwahati chuan nimin khan Khawzawl College-ah chhiatrupna thlen thulha chet lak dan zirna an buatsaih.
Taxi-in su hlum
Nimin chhun dar 12 rîk hma deuh khan taxi MZ-01 C-1596 chuan Electric Vengah Malsawmdawngzela Hrahsel leh a fanu Lalbiaktluangi Hrahsel (4), Armed Veng-te chu a sû a, Lalbiaktluangi hi Aizawl Civil Hospital-ah zai nghal ni mah se, a hliam tuar loin nimin tlai dar 5:25 khan a thi. Malsawmdawngzela Hrahsel hi Vanglaini news reporter, accredited journalist a ni a, hliam a tuar ve bawk. Taxi driver Lalramenga (28), Bethlehem Veng chu police-in an man nghal a ni.