CJ-ah digital x-ray machine hawng

Health minister Lal Thanzara chuan April 11, 2017 khan Central Jail-in Project Nauban kaltlanga an dawn digital x-ray machine a hawng.

Lal Thanzara chuan, ngawr (TB) natna veite zawn chhuahna tura Central Jail-a digital x-ray khawl bun a ni chu lawm­awm a tih thu sawiin, "Mizoram hi HIV/AIDS vei tam lamah India rama pahnihna a nih avang leh HIV vei tam zawk chu TB vei ngei tura ngaih an nih angin, Mizoramah pawh TB vei an tam ngei a rinawm," a ti.

India rama jail zingah HIV-TB research hmasa ber tur Mizoram Central Jail-a ṭan a ni chu chhuanawm a tih thu sawiin, Thanzara chuan, Project Nauban hmalakna chu a hlawhtlin ngei theih nan MSACS leh

RNTCP-a thawkte leh SHALOM leh positive network-te chu theihtawp chhuahpui turin a chah.

Health Minister chuan, jail chu inhremna hmun mai a ni lo a, thil sual tite insiam ṭhatna hmun a nih thu sawiin, chutiang kawng hawi zawng chuan nasa zawka hmalak a pawimawh thu a sawi bawk.