Siaha DC-in thawhpuiah MJA a sáwm

Siaha DC Harleen Kaur, MADC inthlan neih tura returning officer ni bawk chuan nimin khan May 4, 2017-a MADC inthlanna neih tur chungchangah Siaha district-a chanchinbu mite a kâwm a; MADC inthlan chu felfai leh muanawm taka hlen chhuah a nih theih nan thawhpuiah a sáwm.

Harleen Kaur chuan, Model Code of Conduct leh inthlan kaihhnawi thil, mipuite tana hriat tur pawimawh thehdarh leh hrilhriatna kawngah

MJA member-te chu sorkar ṭawiawm tlat turin a ngen a; MADC inthlan chu a dik hle a ni tih mipuiin an hriat theih nan EVM a thlen hunah leh strong room-a an dah hunah enpui ve zel turin a sáwm a ni.

Siaha DC chuan, EVM-te chu a dahna strong room leh counting hall-ah CCTV an dah vek tur thu a sawi a; vote thlak ni May 4 chu MADC huam chhungah holiday-a puan a ni thu te, polling booth leh counting hall-ah meizûk phal a nih loh thu te, phalsak bikte tan lo chuan mobile phone ken phalh a nih loh thute a sawi bawk.