Good Friday leh Easter Sunday pualin Governor-in thuchah a siam

Governor Lt.Gen. Nir­bhay Sharma chuan, nimina Good Friday leh naktuka Easter Sunday thleng tur pualin thuchah a tichhuak a, "He ni thianghlimah hian Mizo mipuite thin­lung takin chibai ka bûk a, Pathianin Mizoram leh Mizote chungah malsawm­na vûr zel rawh se," a ti.

Larsap chuan, biak-in leh hmun hrang hranga Good Friday leh Easter Sunday hmangtue chu ram chhung bakah, khawvel hmun tinah remna leh muanna a awm zel theih nan inhlan thara ṭawng-­ṭaina turin a ngen a a ni.

Lt.Gen. Nirbhay Sharma chuan, India ram chu sakhaw tih bik nei lo, tu pawhin eng sakhua pawh a biak theihna a ni tih sawiin, "Ram chhunga chengte mi chi hrang hrang kan nih angin, kan sakhaw vawn a inang vek lo a, mahse, sakhua kan inzahsak tawn zel avangin tun thlengin sakhua vanga buaina lian kan tâwk lo a, a lawmawm hle," a ti a; India ramah sakhaw zalenna a ngêlngheh zel theih nan sakhuana thila mi dangte nêk chêp lo turin mipui a chah.

Governor chuan, Kris­tiante inzirtirnaah thil ṭha tih a langsar hle tih sawiin, "Mizoram mipui tam zawk Kristian sakhua vuantu an nih angin, India state danga chengte tan entawn tlak ni chhunzawm tur leh mi dangte ṭanpuina kawngah inpe zual zel turin Good Friday leh Easter Sunday pual hian ka sawm vek che u a ni," a ti.