MSSC hmalak dan tur sawiho

Mizoram State Sports Council (MSSC) executive committee chu an president Zodintluanga, Sports & Youth Services minister hoin Ningani khan a pisaah an ṭhukhawm a; kum 2017-18 chhunga MSSC hmalakna tur leh sum hman dan tur rawtnate an thlir.

Zodintluanga chuan, tun hnaia Mizo infiammite hlawhtlinna hrang hrang a tarlang a; April 3-10 chhunga Bangkok-a IWF Youth World Weightlifting Championship-ah Jeremy Lalrinnunga’n silver medal pathum a dawn thu te, April 1-9 chhunga Women’s Hockey World League round-II, Vancouver, Cana­da-ah India team-te league champion niin, team-ah Lalhlunmawii, Neihloh khua a tel thute a sawi.

Sports Minister chuan, World Cup Women Hoc­key 2018-ah India a qualify avangin Mizo hmeichhe hockey player-te an tel ngei dawnin a lang," a ti a; kum 2018 chhunga neih tur - XXI Commonwealth Games, Asian Games leh Summer Youth Olympic Games-ah Mizoram infiammite an tel ve ngei theih nan ṭan lak tum a nih thu a sawi bawk.