Encrypted chauhin TV en theih tawh

Cable TV Digitization chungchangah dis­trict hrang hranga magistrate chuan thuchhuah a siam. Digi­tally addressable system (DAS) hmanga encrypted chauhin TV programme an pe chhuak tawh tur a nih thu an tarlang.

Thu­chhuah chuan, "Minis­try of Information & Broadcasting-in Cable Television Network Regulation Act, 1995 Section 4A tlawhchhana thupek a siam angin, hun tiam hnu lamah chuan cable operator zawng zawngin channel zawng zawngah DAS hmanga encrypted chauhin television programme an pe chhuak tur a ni," a ti.

Thuchhuah tarlan dan­in, hun tiam chu Phase-III (khawpui)-ah chuan January 31, 2017-ah a tawp tawh a; hei vang hian Aizawl district chhunga Phase-III huam chin khua - Aizawl, Darlawn, Lengpui, Sairang leh Saitualahte thupek anga kal tawh tur a ni.

Phase-IV chhunga mite tan pawh March 31, 2017-ah hun tiam a tawp tawh a, canble TV operator-te chu rang taka hma la nghal tura hriattir an ni.