Duhâm lutuk bik ni lo turin 2-wheeler taxi driver-te chah

Aizawl Two Wheeler Taxi Association (ATTA) chuan nimin khan Vanapa Hall-ah General Body Meeting vawi lina an hmang a; khuallian Transport minister TJ Lalnuntluanga chuan, mi dangte thu ngaichâng thiam leh duhâm bik lutuk nih tum lo turin two whee­ler taxi khalhtute a chah.

Transport Minister chuan, two wheeler taxi khalhtute chu anmahni mi hmangtute leh an taxi puite tan malsawmna nih tum tura chahin, "Mi dangte thu ngaichânga duham bik lutuk leh stand-a ding rei lutukte ngaihtuah lék loa duhâm fàl bik lutukte hi a ṭha lo a, kan inzir a, mi dang tan malsawmna nih kan tum zel tur a ni," a ti a; zaidamna, dawhtheihna, hawihhàwmna leh teirei peihnate vawng turin a chah bawk.

ATTA meeting-ah hian member 2,500 vel an tel a ni.