Chhiatna atan cheng nuai 630 ruahman

Disaster Management & Rehabilitation (DMR) department chuan, tun hnaia ruahsur avanga chhiatna thlengah Mizo­ram sorkarin chhawm­dawlna leh venhimna hna thawhna atan cheng nuai 630 a ruahman thu leh, District Disaster Management Authority tinah pek chhuah mek a nih thu an tarlang.

DMR chuan, Mizo­rama lut tur mi 320 (hnam dang tiamin) chu Silchar-a Synod Mission Compound-ah an tangkhang mek tih tarlangin, "Mizoram sorkarin rescue team tirin, Bairabi aṭangin truck hmangin Ghungoor, Silchar-ah lawng dah thla turin kal mek a ni a, Silchar YMA-te nen ṭangrualin a theih ang anga ṭanpui turin hmalak tum a ni," a ti.

DMR department tarlan danin, tangkhangte phurhna tur lawngléng chu nimin khan phurh thlak a ni a; tangkhangte thiar chhuah nan Kolasib SP-in bus leh maxi-cab a ruahman bakah, an ei turte a ruahman a ni.