NH kawngpui zauh tur sawiho

Kolasib district bawrhsap John LT Sanga hoin nimin khan thuneitute an ṭhukhawm a; Kolasib district-a national highway kawngpui four lane-a laih tur chungchang sawiho a ni.

Ṭhutkhawmah hian Kolasib District Competent Authority for Land Acquisition (CALA), National Highways and Infrastructure Development Corporation (NHIDCL), Settlement Officer, Divisional Forest Officer leh Kolasib district-a kawngpui zauhin a paltlang tur ram neitu aiawhte leh khawtlang hruaitute an tel.

NHIDCL hotute chuan, kawngpui zauh hna chu a rang thei ang bera ṭan an duh thu an sawi a; kawngpuiin a paltlang tur ram endik tawhahte hna ṭan a nih theih nan hma la vat turin thuneitute an ngen a ni.