Hostel far nasa vangin mahni khuaah haw

Lungsen khuaa Samagra Girls Hostel, zirlai 17 awm mekna chu a far nasat avangin zirna an chhunzawm thei rih lo a, June 21, Thawhlehni khan Lungsen chhuahsanin an khaw lamah an haw rih.

Lungsen aṭanga thu dawn danin, Samagra Girls Hostel hi tun hnai ruahsurah a far nasa hle a, a far nasat zual zel avangin awm hul ngaihna a awm lo a, bungruate a him lo bawk.

Hostel-a tui far nasa chungchangah hian Lungleia Samagra hotute chuan, tunah mai chuan hmalakna tur sum a awm loh thu leh an mamawh angte Aizawl lamah an thawn phei tawh thu an lo sawi tawh a; mahse, tun thlengin chanchin lawmawm a la awm lo. Chuvang chuan zirlaite chuan an khuaah an hawsan rih a, Lungsen chhehvel khaw pali aṭanga kal khawm an ni.

Hetih lai hian, Lungsen aṭanga km. 9-a hlá Chhumkhum khua aṭanga kalte chuan zirna chawlhsan ngawt chu ngai ngam loin, lirthei hmang (hire)-a ni tin Lungsena kal an tum a, nimin aṭang khan lángin an kal ṭan a ni.