ZPM Vice President sawifiah

ZPM party chuan thuchhuah siamin, an party vice president Rev.Dr K Thanzauva chu vice president a nihna aṭanga a chawlh loh thu an tarlang.

ZPM chuan, Rev.Dr K Thanzauva chungchangah social media-ah thu dik tâwk lo vawrh darh a ni tih sawiin, "Sikul lamah hna a ngah zual tak avangin ZPM Gen.Hqrs-a vice president a nihna leh committee péng danga a mawhphurhnate aṭangin chawlh a dil a. 

Val Upa Council leh ZPM Gen.Hqrs OB-te'n ngun taka an ngaihtuah hnuin, committee pènhleha a mawhphurhnate aṭanga chawlh a dilna chu hriatthiampuiin a pawm a, party vice president erawh chu chelh chhunzawm tura an ngenna pawmin a chelh chhunzawm a ni," an ti.