Fire Service Week hman mek a ni

Kum tinin April 14-20 chhunga hman ṭhin, 'Fire Service Week' chu April 15, 2017 khan Aizawlah hawn a ni a, a ni hmasa berah hian Fire Service Day / Martyrs Day hman nghal a ni.

Fire Service Week hawnna leh Fire Service Day / Martyrs Day hmanna inkhawm hi Inrinni zing dar 7 khan Fire & Emergency Services headquarters, Hunthar Vengah hman a ni a; Aizawl páwn lama fire station-ah chuan zing dar 9-ah hman a ni thung.

Fire Service Day / Martyrs Day hmannaah hian kum 2016 chhunga kâng ṭhelhnaa thi mi pahnih sùnna hun hman a ni a; kâng ṭhelhnaa thite chu - Puducherry fireman K Pughazhendi leh Tamil Nadu Fire & Rescue Services-a fireman A Marikarra te an ni.