Dam chhung táng turin hrem

Kum 2016-a Chawng­te-a Supply store­keeper HK Vanlaltlana thattu, Lalnunzauva chu Lung­lei Additional District & Sessions Judge chuan thiam loh a chantir a, dam chhung táng tur leh Rs. 25,000 chawi turin a hrem.

Lalnunzauva hi dri-ver niin, HK Vanlaltlana motor khalhtu a ni a; Lalnunzauva hian HK Vanlaltlana chu January 27, 2016 khan silaiin a kâp hlum a, pawisa eng emaw zat nen a tlanbo a ni. A hnuah Lalnunzauva hi police-te'n an man a, a kut aṭangin pawisa a tlanbopui Rs. 16,65,600, Maruti Gypsy, arm licence leh .22 rifle mu 60 an man tel a ni.