NHIDCL-in environment an tihchhiat titawp turin pawl pangain CM an ngen

Mizoram leilung humhalh duhtu pawl hrang hrangte chuan nimin khan Chief Minister hnenah National Highway and Infrastructure Development Corporation Limited (NHIDCL) hnuaia kawngpui laihin environment a tihchhiat nasat lutuk tihtawp a nih theih nan hma la tura ngenna an thehlut a, chumi hnuah NHIDCL office bulah lungawi lohna an lantir bawk.

Lehkha thehluttu pawlte chu - Youth for Environment Justice Mizoram, Lunglei Ṭhalai Pawl, Serchhip Ṭhalai Pawl, Hnahthial Ṭhalai Pawl leh Saikhawpui Ṭhalai Pawlte an ni.

Pawl pangate chuan, NHIDCL-in duhdah taka leivung an paihin a nghawng leh environment an nghaisak nghawng a lang ṭan tih tarlangin, "Mipui pawhin a pawizia kan hre tawh a, kan thinrim hle bawk. Mizo mipui hian kan ram environment humhima humhalh kan duh hle tih a lang," an ti.

NHIDCL-in kawngpui an sialnaah India rama environment lam dan leh hrai zawm an nei lo a, EIA an tihna awmchhun NH-54-ah pawh EIA report leh plan an zawm hmuh tur a awm lo tih tarlangin pawl pangate chuan, "Leilung fate duh dan ngaih pawimawhna chhetê mah nei loin, rapthlak takin kan environment an nghaisa/suasam a ni. Mipui thinurin kan kuta dan kenkawha hna kan thawh hma ngeia hma i lak a ṭul," tiin Chief Minister an hrilh. (Phek 2-ah zawm a ni)