Intensified Diarrhoea Control Fortnight

National Health Mission hnuaia Repro­ductive & Child Health buatsaihin nimin khan kawhṭhalo dona chawlhkar, Intensified Diarrhoea Control Fortnight (IDCF) 2022 hman ṭan a ni a, Cultural Center cum Audi­torium, Vaivakawnah Health minister Dr R Lal­thangliana'n a hawng. District hrang hrangah hawnna inkhawm buat­saih a ni bawk.

IDCF hi sorkar laipuia Health & Family Welfare ministry hnuaiah kum 2014-ah hman ṭan a ni a, kuminah chuan June 23 aṭanga July 7 thleng hman a ni ang. Hawnna Inkhawm­ah kut silfai dan, kawṭhalo leh enkawl dan zirtirna leh entirna buatsaih a ni.

IDCF chhungin Mizo­ramah ORS 5,50,000 leh Zinc 5,84,000 pek chhuah tum a ni a; ASHA-ten an bial ṭheuhah in tin tlawhin, naupang kum 5 hnuai lam pakhat tan ORS packet khat zel an sem dawn a, ORS siam dan leh kawṭhalo enkawl dan an zirtir dawn a ni.