BJP-in kawngpui siam mek enfiah

BJP, Mizoram Pradesh-a Media team chuan June 22, Nilaini khan NHIDCL hnuaia Seling tlangdunga kawngpui siam hna thawhte leh leivung paih dante an enfiah.

BJP thuchhuah chuan, hna thawh mekte chu a hun taka zawh a nih theih nan state sorkarin a tih tur a tih ve a ngai niin a tarlang a, "Kawngpui bula in ding laite pawh kawng laih a nih dawn avanga ṭhiat tura an tih, compensation la vek tawh, ṭhiat duh lo an awm avangin kawng laih hna thawh hleih theih lohna hmun awmte chu Mizoram sorkar hian a rang lamin enfiah se. In sak pawh a rang thei ang bera ṭhiah a nih theihna tura hma la turin Mizoram sorkar kan ngen a ni," an ti.