Secretary-te enkawl tur siam rem a ni

Mizoram sorkar chuan Mizoram sorkara secretary-te enkawl tur department a siam rem a, chief secretary Dr Renu Sharma, IAS chu Cabinet secretary a nihna chhuhsak niin, department pathum - Vigilance, Information & Communication Technology leh Cooperation-te chiah a enkawl dawn.

Mizoram sorkara secretary-te hna chan pual tihdanglam chungchangah hian June 21, 2022 khan hriattirna tihchhuah a ni. Secretary zingah hian IAS officer 14 an awm a, chu'ng zinga pali chu UPSC exam-a tling (direct recruit) an ni a, a dang zawng mi 10 chu state service aṭanga kái chho an ni.