PIGFED-in khawmpui an hmang

Pig Producers’ Cooperative Federation, Mizoram (PIGFED) chuan nimin khan Vety Polyclinic conference hall-ah Annual General Meeting an nei a, AH&Vety minister Dr K Beichhua-a'n a hmanpui. Minister chuan, ASF vanga vawk suat zangnadawmna chu a hmawr an bawk ṭep tawh tih a sawi.

Vawk pûl hri avanga vanduaina vanga zam mai tur a nih loh thu sawiin Dr K Beichhua chuan,"ASF thawh khatna nasa takin kan tuar a, thawh hnihna a leng leh mek a, a do hneh tur chuan mi thiam zawkte'n tih leh tih loh tur thurawn an pek te ngaih pawimawh a ṭul," a ti bawk.

PIGFED hian ASF hripui leng vangin Thenzawla an farm-ah vawk 53 an châna, 208 an suat. Selesiha an farm-ah vawi 15 a thi a, 33 an suat bawk. PIGFED hi June 6, 1989 khan din niin tunah hian an hnuaiah society 163 an awm a ni.