Javadekar-a'n IASE building a hawng
Union Human Resource Development (HRD) minister Prakash Javadhekar chuan, nimin khan Rashtriya Uchhatar Shiksha Abhiyan (RUSA) hnuaia state leh union territory hrang hranga hna thawh zawh tawh 15 leh RUSA Portal leh Fund Tracker Mobile Application-te video conferencing hmangin India Habitat Centre, New Delhi aṭangin a hawng.
Video conferencing hmanga project hawn tak zingah hian Institute of Advanced Study in Education (IASE), Republic Venga master of education class room tur building sak thar a tel a ni.
Video conferencing hi IASE hmun aṭangin IASE-a thawkte leh zirlaite bakah, Higher & Technical Education (HTE) officer-te leh changtu parliamentary secretary H Zothangliana, MLA R Vanlalvena leh Republic Veng khawtlang hruaitute an tel a; New Delhi-a a hawnna inkhawmah HTE minister R Romawia leh secretary leh State Higher Education Council chairman Benjamina te an tel.