MCS-te tan training buatsaih tan

Nimin aṭang khan SIRDPR Conference Hall, Leitanah Mizoram Civil Service junior administrative grade leh senior grade-te tan 'Mid career training course' buatsaih ṭan a ni.

Training hawnna hi SIRDPR director Maria CT Zuali'n a kaihhruai a, MPSC secretary Lal-zirmawia Chhangte khuallian a ni.

Lalzirmawia chuan, service ṭha turin intahhriam fo a ṭul thu sawiin, "Compulsory training regulation neih hi tihmâkmawh a ni a, state civil service-te hi Mizoram sorkara thuràwn petu pawimawh tak an nih avangin an hnathawhnaah mipui harsatna sukiang tura ṭan lak a pawimawh," a ti a; Pathian leh mirethei lama ṭang fo turin MCS officer-te a chah.

District, khawpui leh thingtlang inrelbawlna, urban development programme, public distribution system, entrepreneurship development, MGNREGA, NRLM, NRUM, PMSY, VAGY/SAGY, PMAY-G, BADP, RTI Act leh inthlan chungchangte zirtir an ni dawn a; field practical training neihpui an ni bawk ang.

April 22, 2017 thleng neih a ni dawn a, MCS officer 17 an tel.