Vairengte PS sak dan ṭha lo an ti

Mizo Students Union (MSU) headquarters, Vairengte chuan Vairengte Chhimvenga police station (PS) building tur sak mek chu contractor-in a sak dan a ṭha tawk lo hlea an hriat thu an tarlang.

Vairengte MSU tarlan danin, Veirengte PS building grade-4 sak mek senso atana sum ruahkan chu Rs. 1,53,60,057 a ni a, March 18, 2016-ah hna ṭan niin, March 18, 2017-a sak zawh tura tih a ni.

Vairengte PS building saknaa lungrem (retaining wall)-te chu a rinawm tâwk lo a, foundation mumal tak siam a ni lo tih sawiin, Vairengte MSU-te chuan, "Lei chêk záwl deuhin cement an chhûng a, lung rem tawp a ni. Hetiang a nih avang hian hun rei lo te chhunga chhe leh mai tur niin a lang," an ti a; lungrem atana an hman lung ṭhenkhat chu a no niin an sawi.

Hna thawktute'n sak zawh hun tura tih, March 2017 chhunga an sak zawh hman loh chhan zawhna an chhan dan chu chhuanlam tlinga an pawm theih loh thu sawiin MSU chuan, "Hun tiam ral hnuah 60% pawh an la thawk lo a, tunah October 5, 2017 thleng hun pawhseisak mek mek a ni," an ti. Vairengte PS sak mek chu a rang thei ang bera enfiah tur leh ṭha tawk taka sak a nih theih nana hma la turin thuneitute an phût a ni.