Bru kût Boisu Festival hman a ni

Bru kût pakhat, Boisu Festival chu Damparengpui community hall-ah April 15, 2017 khan hman a ni a, Mamit DC Lalbiaksangi'n a hmanpui. Boisu Festival-ah hian zai leh làm chi hrang hrang entir a ni.

Mamit DC chuan, Bru-te chu hmasawnna kawnga ṭhang zel turin duhsakna a hlan a; bank kal­tlanga pawisa khâwl nachang hre tur leh ziak leh chhiar thiam ngei tum tura chahin, "Tunlaiah chuan hming ziak thiam loa kutzungpui nem ringawt a him tawk lo a, bank leh thil dang dangah hming ziah zel a ṭul avangin mahni hming ziah tal kan zir tur a ni," a ti.

Lalbiaksangi chuan, naupang sikul kal rual, sikul kal lote chu sikul luhtir ngei turin Bru nu leh pate a chah a; hriselna kawngah hma an sawn zel turin tui thianghlim chauh in tur leh ramngaw leh tuihnate humhalh turin a chah bawk.

PHE executive engineer Lal­ropuia Hmar-in inthiarna ṭha neih a pawimawhzia a sawi a; SBI Mamit branch manager Lalmalsawmi Varte-in bank kal­tlanga sum khâwl pawimawhna a sawi thung.