Mizoram tel turin sáwm

Assam sorkara additional chief secretary VB Pyarelal chuan nimin khan Mizoram chief secretary Lalmalsawma chu a pisaah a kâwm a, Guwahati khawpuia Festival of Faith chungchang sawipuiin, Festival-ah hian Mizoram aṭangin aiawh tel ve se an duh thu a sawi.

VB Pyarelal chuan, kumin May thla tàwp lama Festival of Faith neih tur chu Assam sor­kar leh India Foundation-te buatsaih tur a nih thu sawiin, "Hmarchhak state-te pual bika rua­hman a ni a, hmarchhak state tinte pualin pavillion siam a ni dawn a, hnam hrang hrangte nunphung leh zia tarlang thei tur thil pho chhuah a ni dawn," a ti a; Mizoram aṭang pawhin tel ve ngei se an duh thu a sawi a ni.