Mamitah zirlaibu sem ṭan

Mizoram SSA Mission chuan, academic session 2017-18 atana sikul naupangte hnena zirlaibu a thlawna an sem turah, nimin khan Mamit district-a zirlai pawl 1-8 inkarte hnenah zirlaibu an sem ṭan.

Khaw hrang hranga sem tur zirlaibute chu nimin zing khan Mamit District Education officer Lalnunthari'n Mamit Block Resource Centre kawt aṭangin a vai liam. Mamit DEO chuan, a thlawna zirlaibu sem chuan zirlai nu leh pate phurrit nasa takin a chhâwk zângkhai dawn tih a sawi.

Mamit district-ah hian a thlawna lehkhabu sem dawng thei zirlai 13,222 an awm a; an district chhunga Block Resourse Centre hrang hrang - Mamit, Reiek, West Phaileng leh Zawlnuamah phurh thlen a ni ang a, chumi hnuah sikul hrang hrangah sem a ni ang.