Mayor-in in sak mek a enfiah

Aizawl mayor Lalrinenga Sailo chuan nimin khan Assembly House bul vela thil zuar (vendor)-te awmna tura Tuikual South-a AMC-in multipurpose building a sak mek a enfiah. In sakna atan cheng nuai 1,013 ruahman a ni.

AMC in sak mek chu chhâwng sariha sak tur a ni a; a chhâwng lina leh chhâwng ngana chu thlai zawrhna hmun tura ruahman niin, chawmhmeh zuar 171 leng thei tura ngaih a ni. A chhâwng hnuai lam pathum chu lirthei dahna tura ruahman a ni a, car 35 leh two wheeler 35 leng tura duan a ni. Chhâwng rukna chu shopping area tur niin, dawr 17 awm thei tura ngaih a ni a, chhâwng sarihna (chhâwng chung ber) chu mi 200 ṭhut lenna auditorium/hall atan ruahman a ni bawk.