Hmalakpui turin Chief Minister ngen

Aizawl North College (ANC) Alumni Association leh Students' Union hruaitute chuan nimin khan chief minister Zoramthanga an hmu a, college building chungchang leh ANC-ah Arts subject kim zirna a awm theih nan hma lâkpui turin an ngen.

ACC Alumni Association tarlan danin, CM Zoramthanga chuan ANC building-in a zawh loh khawp zirlai an awm chu lawmawm a tih thu a sawi a, class kal ṭan hma ngeiin zirlaite'n lehkha an zirna tur buatsaih a nih theih nan hma a lak tur thu a hrilh. ANC-ah Arts subject kim zir a nih theih nan a theih ang anga hmalakpui a tum thu a sawi bawk.

Aizawl North College-ah hian zirlai 1,350 an awm mek a, an building pangngai bakah Ramhlun North Bazar an luah hawh mek a ni. Chief Minister chungah thinlung taka an lawm thu ANC Alumni Association chuan an tarlang.