Mi ṭha tam takin min zawm zel ang - MPCC President

Mizoram Pradesh Congress Committee (MPCC) chuan nimin khan Congress Bhavan-ah political training an nei a; MPCC president Lalsawta chuan, mi ṭha tam takin Congress party an la zawm zel dawn thu a sawi.

Lalsawta hian nimin khan an party zawm tharte a lâwm lut a, lawm luhte chu thil tam tak an tiam thei lo tih hrilhin, "Thawhrimna leh dikna nen ram leh hnam tan hna ṭha thawk turin in lo tel a ni. Hma lam beiseina nghet leh mumal tak nei a, mi harsa zawkte tana nghet taka ding turin ka ngen che u. A ṭha zawnga danglamna thlen hi thil harsa ni mah se, mahni inpekna avangin thil tam tak a danglam thei a ni," a ti.

MNF kaihhruai Mizoram sorkar hnuaiah Krismas vawi khat chiah hman tur a awm tawh tih sawiin Lalsawta chuan, "Mizoram mipuite'n hun harsa dang he sorkar hnuaia an hman nawn loh hrâmna turin rilru dik leh inpekna thar nen, danglam a ṭul ang zela ram tana danglam ngam turin ka sáwm che u a ni," a ti a; MLA turte chu sorkar hmélhmang tidang­lam turin mipui hmaa thutiam lâk an phût thu a sawi.