CM hoin lui humhalh dan tur sawiho

Chief minister Zoramthanga kaihhruaiin June 23, Ningani khan CMO conference hall-ah State Level Save Tlawng Committee an ṭhukhawm a; Deputy Chief Minister kaihhruai Mizoram lui hrang hrang humhalh dan tur ngaihtuahtu tur committee siam an rawt.

Ṭhutkhawmah hian mipui tui tlan tur a tama a thianghlim theihna tur dan leh thupek siam ngai leh ṭulte sawiho a ni. Tlawng lui mai bakah, Mizorama lui hrang hrang, mipui tana pawimawh tak takte humhalh dan tur leh ṭul dang ngaihtuah ṭha an tih thu an sawi.

Meeting-ah hian Committee co-chairman deputy chief minister, Agriculture minister C Lalrinsanga, FCSCA minister K Lalrinliana, Land Revenue & Settlement minister Lalruatkima, EFCC minister TJ Lalnuntluanga, Lunglei High Power Committee vice chairman Lawmawma Tochhawng, AMC mayor Lalrinenga Sailo leh member dangte an tel a ni.