Minister leh sport hruaitute inkâwm

Sports & Youth Services minister Robert Romawia Royte leh contact sports hnuaia sport discipline hrang hrang hruaitute leh infiammite chu June 23, Ningani khan an inkâwm.

Sports Minister chuan, sorkarin combat sports chi hrang hrangte training-na leh competition hall awm theihna tur Aizawl Contact Sports Centre din ngei a tum thu a sawi a, "Mizoram sorkar sum harsatna avangin central scheme emaw, EAP emaw funding kan beisei a, district khawpui ṭhenkhat leh thingtlang khaw 20 velah indoor hall sak mek a ni," a ti.