Cancer veite enkawl dan tur sawiho

Health minister Lal Thanzara chuan nimin khan a pisaah Tata Trust aiawhte a kâwm a, Mizorama cancer veite enkawl kawnga Mizoram sorkar leh Tata Trust thawh dun theih dan tur a sawipui.

Sorkar thuchhuah tarlan danin, Mizoramah cancer a hluar avangin cancer veite enkawl kawngah nasa lehzuala ṭan lak a ngai tih hriain sorkarin Tata Trust-te nena thawh dun dan kawng a zawng a ni.

Tata Trust aiawhte chuan, Mizorama doctor leh nurse-te chu Mumbai leh Kolkata-a Tata Hospital-ah training an pek theih thu te, information & communication technology lamah an ṭanpui theih thu leh, cancer veite enkawlna hmanrua leh hmunhma thuam ṭhat kawnga an ṭanpui theih thu an sawi.

Tata Trust hotute hian nimin vêk khan Zemabawka Mizoram State Cancer Institute an tlawh a; vawiinah Health department hotute nen thawh dun dan tur an ngaihtuahho leh ang.

Nimina Health Minister pisaa inkawmnaah hian Tata Trust aṭangin Dr Mrinalini Pandit leh Aawanti Singh telin, Globally Managed Services aṭangin Prabudha Barua a tel bawk.