Food & Drugs Administration training

Health department chuan nimin khan Engineers' Club, Aizawlah Food & Drugs Administration-a thawkte tan ni thum awh tur orientation training an buatsaih ṭan a, Health Services director Dr H Lalchungnunga'n a hmanpui.

Dr H Lalchungnunga chuan, hlâwkna ûm vanga ei leh in leh damdawi pawlh dal 'adulteration' chíng an awm ta zel a, chuvangin, quality control an awm a ngai tak zet tawh tih a sawi a; ruihhlo tawlhrûk chung­chang sawiin, "Ruihhlo venna turin drugs license pek chhuah danah kan fimkhur a ngai hle," a ti.

Training-ah hian Health Services joint director (Food & Drug) Lalsawma'n 'Prevalence of spurious & NSQ drugs in Mizoram' tih thupui a sawi a; FSO Lalrinkimi Pachuau-in 'Sampling procedure in food' tih a sawi bawk.