MADC inthlan atan candidate puang

19th April, 2017

May 4, 2017-a Mara Autonomous District Council (MADC) inthlan turah Congress party leh MNF party-te chuan nimin khan an candidate turte an puang.

MADC inthlan hi May 4, 2017-ah zing dar 7 aṭanga tlai dar 5 thleng neih a ni dawn a, May 8-ah vote chhiar a ni ang. Inthlana chuh tumte tana hming pek luh hun hnuhnung chu vawiin tlai dar 3 a ni.

MADC inthlanah hian Congress party chu thawhpui nei loin an mal din dawn a, MDC bial zawng zawng, 25-ah candidate an dah dawn. Candidate-te chu nimin khan Mizoram sorkara Assembly speaker Hiphei-a'n a puang a ni.

MNF chu Mara Democratic Front (MDF) nen an thawkho dawn a, bial 25-ah candidate an dah dawn a, MNF-in bial 12 changin, MDF-in bial 13 an chang dawn nia thu dawn a ni.

Nimina MNF candidate tur mi 12-te hming puanna inkhawm chu MNF hmunpuia treasurer Vanlalzawma'n a hmanpui.

Vanlalzawma chuan, MADC-a Congress sorkar chu mipuiin thlâk an duh tawh nia sawiin, "Keini ai mahin neutral lam hi sorkar thlak turin an hmanhmawh tawh. Congress hi an vanneihna a tawp tawh a ni," a ti.

Vanlalzawma chuan, MADC inthlanah MNF leh MDF-te thawh dunna tur chungchangah, khawi hmunah pawh inpui tawn turin mipui a sáwm a, "Keimahni hi a hmasa leh pawimawh ber kan ni lo; he ram leh hnam hi a pawimawh ber," a ti a; ngaihtuahna sêng turin mipui a chah.

INC leh MNF candidate-te
MDC Bial INC MNF
1. Tokalo H Valai -
2. Phura K Pawhnie -
3. Vahia K Chhuabei -
4. Laki T Seido -
5. Zyhno L Priscilla -
6. Chapi Laiki Chozah FC Rehmo
7. Chakhei K Hramo Mahu Chozah
8. Siata LC Apaw L Khaichyu
9. Tisi Tiahlei Syuhlo Laihra Nohro
10. Tipa-I F Lawmkima -
11. Tipa-II K Siakhai -
12. Laty Beirahmo Syhly -
13. Saikao IP Junior -
14. Amobyu N Zakhai K Robinson
15. Amotlah RT Zachono HC Lalmalsawma Zasai
16. Noaotla F Hrangchhinga N Lalrosanga
17. Chhaolo MH Tiabi HC Malsawmthanga
18. Siaha North-I Ng. Silla Nahlo Solo
19. Siaha North-II V Vanhupa -
20. Siaha South-I VBB Byhna -
21. Siaha South-II KH Beihlo N Viakhu
22. Siaha East-I F Hrangchuanga K Sangtluanga
23. Siaha East-II LC Chakhai HC Biakcheuva
25. Siaha West-I James TA Riatha -
25. Siaha West-II H Sahlo -