Governor leh MKHC hruaitute an inkâwm

Governor Lt. Gen. Nirbhay Sharma leh Mi­zoram Kohhran Hruaitute Committee (MKHC) hruai­tute chu April 18, 2017 tlai khan Raj Bha­van-ah an inkâwm a, kohhran hmanga khawtlang nun siamṭhatna kawnga hmalaknate an sawiho.

Larsap chuan, Mizo­ram leh Mizo mipui hma­sawnna kawngah koh­hranin nasa takin hna a thawk ṭhin a, a ṭha zawnga mipui hruaina kawnga nghawng nei lian ber an ni thei tih a hrilh a; Mizote'n vaihlo, zu leh ruihhlo tel loa nunphung hrisel zawk an neih theih nan kohhran huang chhungah nasa lehzuala sawi uar leh ṭan lak ṭul a tih thu a sawi.

Lt. Gen Nirbhay Sharma chuan, kohhranin hriselna leh zirna kawng­ah chak takin mipui a kaihruai thei tih sawiin, thawhpuiah a sáwm a; thing leh mau leh nungchate humhalh ngai pawimawh lehzual tur leh Chite lui tihfai leh humhalhna kawnga thawhpuiah a sáwm bawk.

MKHC hruaitute chuan, kohhran hma­laknate hriaa Governor-in Mizoram siamṭhatna kawnga thawhpuia a sáwm chu lawmawm an tih thu an hrilh a; hriselna leh thianghlimna kawnga kohhran hmalakna hrang hrangte an sawi a ni.

Governor nena in­kawm­naah hian MKHC chairman Rev. Lalzui­thanga hoin hruaitu eng emaw zat an tel.