Infiamna hmunhma fanpui

Mizoram State Sports Council (MSSC) hotute chuan nimin khan Lunglei MJA member-te Aizawla infiamna hmunhma ṭhenkhat an fanpui. Infiamna hmun an tlawhte hi Hawla Indoor Stadium, Rajiv Gandhi Stadium, Aquatics Complex leh R Dengṭhuama Indoor Sta­dium-te a ni.

Lunglei MJA member-te hi MSSC secretary C Lal­tlanthanga leh hotu dangte'n an hruai a; C Laltlanthanga chuan, infiamna lamah hna an thawh ṭhat avangin anmahni zir chiang tura lo kal Sports Authority of Arunachal Pradesh team pawhin India rama thawk ṭha ber pakhata an ngaih thu a sawi a, "Mizoram mai ni lo, India rama hna thawk chak ber office nih kan tum," a ti.