Arunachal-in sports hmunhma an rawn tlawh

Sports Authority of Arunachal team chuan Aizawla zan khat riak­in Mizoram sports hmasawnnate an rawn en a, April 18, 2017 khan Mizoram State Sports Council (MSSC) secretary C Laltlanthanga leh hotu dangte'n Aizawla infiamna hmun-hmate an fanpui.

MSSC hotute'n Arunachal sports hotute an fanpuite chu - Rajiv Gandhi Stadium, R Dengṭhuam­a Indoor Stadium leh Hawla Indoor Stadiumte a ni a; stadium-te hi a sak dan leh a sakna atana sum hmuh dante an hrilhfiah a ni.

Sports Authority of Arunachal Pradesh chairman Bamang Tago chuan, infiamna lama Mizoram hmasawnna chu ropui an tih thu leh state dang tan entawn tlak a nih thu sawiin, stadium sakna atana sum hmuhte chu a nihna tur ang takin an hmang nia a ngaih thu a sawi. Infiamnaah Mizoram chu dinhmun sang leh zual an thlen theih a beisei thu a sawi bawk.

Sports Authority of Arunachal Pradesh team hi mi panga an ni a, April 18 chawhnuah Aizawl chhuahsanin Telengana state an pan a ni