KHAWTHLIR
MLPC-ah tan la
Excise & Narcotics department chuan thuchhuah siamin, MLPC Act kenkawh kawngah nasa takin ṭan an la tih an tarlang a; liqour card-te uluk taka endik zel a nih tih sawiin, zu lei leh in duhte chu dan anga card mumal tak nei turin an chah.
Climate change zir
Mizoram Science Technology and Innovation Council-a Mizoram State Climate Change Cell leh Kolasib College-te chuan nimin khan Kolasib College-ah 'Climate change in Mizoram' tih thupui zirhona an buatsaih a, Kolasib College-a zirtirtu leh zirlaite an tel. Sensitization workshop-ah hian resource person pathumin thupui hrang hrang an sawi a ni.
Missionary 15
Synod Mission Borad chuan Nilaini zan khan Leitan South Kohhran biak-inah missionary tirhchhuahna inkhawm an buatsaih a; missionary atana lak thar mi 15-te Synod moderator Rev. Lalzuithanga'n Pathian hnenah hlanin a tir chhuak.
Graduation Day
Synod Hospital Nursing School chuan nimin khan Synod Hospital Chapel-ah Graduation Day an hmang a, Synod moderator Rev. Lalzuithanga'n hmanpuiin, zirlaite hnenah certificate a sem bakah, zirlai ti ṭhate hnenah lawmman a hlan a ni.
Zu rui 26 man
Excise & Narcotics department chuan March 2017 chhung khan zu zuar mi 48 leh zu rui mi 26 an man. Rakzu litre 1387.25, zu bilh lai ṭin 1,282, dawidim gram 700, sapzu ûm 433 leh zu sakna bêl 30 an man bawk.
Heroin man
Aizawl SP hnuaia District Special Branch chuan nimin khan Dinthar bazarah heroin hawng 5 leh a neitua puh, Lallianmawii (48), Champhai nia insawi chu an man a, Vaivakawn Police Station-ah an hlan.