ILP-ah fimkhur turin sorkar phût

MPC party chuan thuchhuah siamin, Congress party rorelna hnuaiah dan loa hnam dang Mizorama lut rû buaipui tham an awm reng chu ramri venhimna kawnga Mizoram sorkar hlawhchhamzia a tilangtua an ngaih thu an tarlang a; fimkhur zawka ILP kalpui turin sorkar an phût.

MPC chuan, Mizoramah hnam dang Inner Line Permit (ILP) nei lo an pun zel laiin, Mizoram sorkar chu rûn dâlah ti ang chauha ILP nei lo dap chhuah hna thawkah puhin, a tâwk lo hlea an ngaih thu an sawi a, "ILP pek chhuah leh endik chungchangah tun aia fimkhur zawk leh chak zawka hma la turin Mizoram sorkar kan phût," an ti.

Aizawl Municipal Corporation (AMC) sorkarin hnam dang 100 chuang hnena shop license an pe chu ram tan a him tâwk loa an hriat thu sawiin MPC chuan, "Nationalism buaipuitu intite chet dan hi a mak kan ti a, hnam dang heti zo zai shop licence an pekte hi ram leilung fate chanvo atan pek zawk ni se kan hnam tan a him zawk turah kan ngai," an ti a; Congress leh MNF rorelna hnuaiah Mizoram leh hnam a him lo niin an sawi.