Siaha district-in Award for Excellent in Public Administration an dawng

Siaha district chuan Prime Minister Award for Excellent in Public Administration an dawng a, nimin khan New Delhi-a Civil Services Day vawi 11-na lawmna­ah prime minister Narendra Modi chuan a hlan. Award hian trophy, scroll leh Rs. 10,00,000 keng.

Prime Minister Award for Excellent in Public Administration hi MADC inthlan tur avangin Siaha DC Harleen Kaur-i'n a dawng thei lo a, a aiawhin New Delhi-a Mizoram House-a principal resi­dent commissioner Arvind Ray-a'n a dawng a ni.

PM Award for Ex­ce­llent in Public Admi­nistration hi Central scheme, Pradhan Mantri Krishi Sinchayee Yojana (PMKSY) hmanga hna an thawh ṭhat vangin Siaha district hian a dawng a; India hmarchhak state leh tlangram state catagory-ah Siaha district chiahin a dawng.