Aizawlah Civil Services Day hman a ni

Nimin April 21 kha India ramah Civil Services Day vawi 11-na a ni a, Aizawlah pawh ATI Auditorium-ah hman niin, chief secretarfy Lalmalsawma khuallian niin, Mizoram sorkara secretary, head of department, all India service officer-te leh Mizoram Secretariat-a joint secretary leh a chung lamte an tel.

Lalmalsawma chuan, Civil Services Day-ah hian sorkar hnathawk (civil servant)-te chu ram leh mipui tana thawk an ni tih inhre thar turin a fuih a, "India Independence aṭangin sorkar inrelbawlna kalphung nasa takin a inthlak tawh a, digital governance era-ah sorkar a zuang lut mek a, mi tih dan ṭhate thlir liam mai loin, a taka chantirtu nih zel tum tur a ni," a ti.

Chief Secretary chuan, sorkar hnathawkte chu thuneihna sang tak kawltu an ni tih a hrilh a; thuneihna hman kawngah sorkar hnathawkte tana principle pawimawh - respon­sibility, accountability leh impar­tiality-te theihnghilh lo turin a chah.

Nimina Civil Services Day hman­naah hian officer pathumin anmahni thawhna hmun ṭheuha thil tih ṭhat an neih, mi dangte tana entawn tlak 'best practice' pathum an entir. Aizawl DC Kannan Gopinathan-a'n 'Innovative Initiatives under DC, Aizawl' tih te, chief informatics officer Dr Lalthlamuana'n 'Best practices in ICT' tih leh, Lunglei DCSO H Lalrinpuia'n 'DCSO, Lunglei mobile apps' tihte an entir a ni.

Kum 2015-16 chhunga Mizo­ram sorkar hnuaia department hrang hrang leh district tinte’n an hnathawh ṭhat dan tehna Results Framework Document-a ti ṭha zual 10-te hnenah Certificate of Appreciation hlan a ni bawk.

Results Framework Document
Rank Department Score
(Out of 100)
1. Environment, Forests & Climate Change 93.07
2. Cooperation 91.12
3. Food, Civil Supplies & Consumer Affairs 90.70
4. Taxation 89.52
5. Horticulture 88.90
6. Agriculture 86.81
7. Health & Family Welfare 86.39
8. Mizoram Home Guards 85.20
9. DC, Mamit 85.11
10. Planning & Prog. Implementation 82.93