Home minister-in doctor indaih dah an duh tih a sawi

Home minister R Lal­zirliana chuan nimin khan Congress Bhavan-a inkhawmah thu sawiin, Champhai mipuiin doctor an mamawh leh an dil belh angin, sorkar pawhin Champhai mai ni lo, district headquarters dangahte pawh indaih dah an duh tih a sawi.

MPCC vice president R Lalzirliana chuan, doctor-te'n private hospital leh clinic aṭangtein thla tlemtê chhungin sorkara an kum khat hlawh ang an thawk chhuah zung zung thei tih a sawi a, "Sorkar­ah an hlawh a sang ṭha bawk si lo a, sorkar tan doctor indaih khawp neih a harsa a ni," a ti.

R Lalzirliana chuan, tun hnaiah Bru hel leh NLFT hote Vaseitlangah an inlàr thu sawiin, police-te'n an ûm zui a, hel pathum leh an ralthuamte an man thu a sawi.

Home Minister chuan, HPC(D) helte nen pawh April 28, 2017-ah sorkar nen inbiak leh tur a nih thu a sawi a, "Mizoram police-te'n theihtawp chhuahin ram venhimna kawngah hna an thawk a ni," a ti.