MADC-ah candidate 70
May 4, 2017-a Mara Autonomous District Council (MADC) inthlan tura chuh tuma hming pete inhnuhdawh hun chu nimin tlai dar 3 khan a tâwp a, mi pathum an inhnuhdawh avangin inthlan chuh turte chu mi 70 an ni ta.
MADC inthlan atana nomination paper thehluh tawh hnua inhnûkdâwk lehte hi independent-a chuh tuma hming pe lutte vek an ni a; heti hian independent candidate mi 14 an awm dawn ta a ni.
MDC bial 25 awmna MADC inthlan turah hian candidate-te chu Congress candidate 25, MDF candidate 13, MNF candidate 12, BJP candidate paruk leh independent candidate 14 an ni. Independent-a zingah hian an awmna party-a ticket chan loh vanga independent-a ding ta an awm nual nia thu dawn a ni.