New Market-a vaihlo zawrhte enfiah
Aizawl district Anti Tobacco Squad (ATS) leh Legal Metrology-te chuan nimin khan April 12, 2017-a an koh khawm tawh, New Market-a vaihlo leh tuibûr zuarte'n dan an zawm leh zawm loh an endik.
Nimina an enfiahnaah hian New Market huam chhunga vaihlo, sahdah leh tuibur zuartute hian dan an zâwm ṭha thawkhat a, chutih rualin, pictorial health warning târ tur erawh duh anga tam lei khawl tur a awm lo niin an sawi a; an thil zawrhna rate pawh an tihsan phah lo niin an sawi bawk.
ATS hotute sawi danin, Gauhati High Court Aizawl Bench-in Mizoram sorkar a hriattir tawh angin, Health department Secretary-in thuchhuah a siam a; thupek bawhzuina kal zelah April 1, 2017 aṭangin Zozial, sahdah leh tuibûra pictorial health warning tár tura tih chu khauh zawkin kalpui a ni.
ATS hotute chuan, inhriatthiamnaa hun rei tak kalpui tawh chu khauh zawka kalpui an tum tawh thu an sawi a; a bikin tualchhunga thar chhuah vaihlo, tuibur leh sahdah zuartu, dan zâwm lote chu dan anga hremna pek zel an nih tawh tur thu an sawi bawk.