Lirthei tlan danah ruahmanna thar siam
Traffic SP C Lalthanmawia chuan thupek chhuahin, chhan hrang hrang vangin Aizawl khawpui chhunga lirthei tlan dan tur a tidanglam.
Traffic SP ruahmanna thar ang chuan, Bungkawn Vengthar kaltlangin Khatla aṭanga Maubawk lam panin 407 truck leh a aia lian lirtheite zing lam dar 7-10 inkarah tlan khap a ni. Bungkawn Vengthar kawngpuiah hian Lalhmuakliana in bul, Presbyterian biak-in kawt, transformer bul, F Ruata (L) in kawt leh Hmingdailova Colney in kawtahte praking siam a ni a, mahse, rei tak din phal a ni lo. He thupek hi May 1, 2017-ah hman ṭan a ni ang.
PHE department-in Greater Aizawl Water Supply Scheme phase-I pipe lian phum hna an thawh vangin nizan dar 8 leh vawiin zing dar 4 inkarah Khatla kâwn aṭanga New Secretariat pêng (Assam Rifles gate bul) inkarah hna thawh chhungin lirthei tlân phal a ni lo. Zanin dar 8 aṭanga April 24, Thawhṭanni zing dar 6 thlengin hna thawh chhungin lirthei reng reng tlan phal a ni lo bawk ang.
Bungkawn, Lawipu, Maubawk, New Secretariat leh Bungkawn Vengthar lam aṭanga Khatla kâwn lama kal turte chu Khatla Chawnga Road lamah kal vek tur a ni a; hei vang hian Khatla leh Bungkawn area-ah lirthei tlân tibuai thei turin kawngpui sirah lirthei dah khap a ni.