Kawlphetha awm lo rei hrehawm ti
MZP headquarters, Mamit chuan thuchhuah siamin, Mamit khawpuiah April 20, 2017 zan aṭanga nimin thleng khan kawlphetha an nei lo tih an tarlang a, hrehawm an tih thu leh pawi an tih thu an sawi.
Mamit MZP chuan, Mamit leh an district-a khaw dangahte kawlphetha an neih ṭhat loh avangin zirlaite'n zan lamah lehkha an zir thei ṭhin lo tih sawiin, "A bik takin college zirlai exam hmachhawn mai turte'n harsatna nasa tak an tawk hi pawi kan tiin hreawm kan ti hle a ni," an ti a; Mamita office hrang hrangte pawhin harsatna an tawk tih an sawi.
Mamit MZP chuan, sorkar thuneitute chu a rang thei ang bera Mamita Power & Electricity department-ah electric line endikna tur lirthei leh thawktu tam zawk pe thuai turin sorkar a ngen a; Bairabi - West Phaileng via Mamit inkara electric 132 KV line siam tum mek pawh a rang thei ang bera bawhzui turin an phût bawk.