Bus-a mi dang tibuaitu mi pahnih man

April 22, Inrinni zan khan Aizawl leh Lawngtlai inkara tlan Lai Night Super (LNS) bus, MZ-07 1767-a passenger chuang ṭhenkhat chuan bus-a chuang ve dangte an tibuai a; buaina siamtu nia hriat unau - Amesh Kumar Chakma (43) leh Kalai Chakma (21) s/o Lusai Mohan Chakma, Lawngtlai Council Vengte chu man a ni.

Thenzawl aṭanga thu dawn danin, Chakma unaute hian passenger dang­te chu rîkrâpin, mawi lo tak takin an ṭawng khum a; chumi chungchang chu bus-a chuang ve tho passenger ṭhenkhatin Thenzawl mite an hrilh. Thenzawla tlawmngai pawl hruaitute chuan zan dar 9:30 velah LNS night bus hi lo chângin, Thenzawl Field Vengah an lo tiding a; buaina siamtute chu an man a ni.

Thenzawl khawtlang hruaitute chuan buaina siamtute chu Thenzawl police hnenah an hlan a, Thenzawl MZP-te'n Thenzawl Police Station-ah FIR an thehlut nghal bawk. Mi pahnihte hi nimin khan Serchhipah thawn an ni.

He thil thleng chung­changah hian Thenzawl All NGO chuan thu­chhuah siamin, "Chakmate'n Mizote kan ram chhung ngeia harsatna min thlen fo hi hriatthiam har kan a, kan duh lo tak zet. Hetiang thil titute hi na taka hrem kan phût a ni," an ti.