MLA-te loan chungchang GPC-in a pawm tawh

Parliamentary Affairs minister TJ Lalnuntluanga chuan, Cabinet-in a pawm tawh, MLA-te'n instalment loa loan an lâk theihna tur leh dahkham ngai loa loan an lâk theihna tur chu General Purpose Committee (GPC)-in a pawm tawh sa a nih thu Vanglaini a hrilh.

TJ Lalnuntluanga chuan, MLA-te loan chungchang chu party hrang hrang MLA-te telna GPC-in an pawm angin Cabinet-ah put luh a nih thu a sawi a, "Parliamentary Affairs department hi a kaihhnawih department kan nih angin Cabinet-ah agenda atan kan thehlut a ni," a ti.

GPC-ah hian chairman chu Assem­bly Speaker a ni a, member-te chu Chief Minister, Finance Minister, Par­liamentary Affairs Minister, Opposition Group leader pahnih leh Assembly Committee hrang hranga chairman-te an ni.