Governor leh ICTA hotu inkâwm

Governor Dr Hari Babu Kambhampati leh Indian Technology Congress Asso­ciation (ITCA), Bangalore Advisory Council member Dr SK Prasad te chu nimin khan Raj Bhavan-ah an inkâwm a, Mizorama zirlai thiam filawrte zinga space technology zir duh thlan dan tur leh an zir theih dan tur an sawi dûn.

Hari Babu Kambhampati chuan, Mizorama zirlaite chu lehkha thiam thei tak leh thluak ṭha an nih thu sawiin, "Space technology zirna kawng a inhawn phawt chuan hlawhtling takin an zir thei ang," a ti a; zirlai thiam theite thlannaah Higher & Technical Education depart­ment, Mizoram University, NIT Mizoram, Polytechnic, Science & Technology depart­ment leh Science Tea­chers Association of Mizo­ram beráwn turin a chah.

Dr SK Prasad chuan, Prime Minister hmathlir angin space technology lam­ah India ṭhalaite'n thiamna sang zawk an neih theih nan chher hriam mek an nih thu sawiin, "Zirlai team 75 chu kumina project 75 thawk zo hman turin Students' Satellites 75 project hnuaiah satellite tê chi siam turin thlan an ni dawn," a ti a; project-ah hian Mizorama zirlaite tan pawh tel theihna a inhawn dawn thu a sawi.