Vawk suat neitu mi 1,069-te Zangnadawmna pek a ni dawn

Aizawl District Coor­dination Committee on African Swine Fever (ASF) hotute nimina Mizoram State Veterinary Council Hall-a ṭhukhawm chuan, Aizawl district-a ASF vanga vawk suat neitu mi 1,069 hnenah central leh state sum aṭangin zang­nadawmna pek an rél.

Ṭhutkhawmah hian Aizawl district-a ASF lèn hmasak laia vawk suat neitute, sorkar laipui leh Mizoram sorkar aṭanga zangnadawmna hmu tura thlante enho a ni a, zangnadawmna dawng turin khaw 27 aṭangin chhungkaw 1,069 an thlang. Chhungkaw 1,069 hnenah hian Rs. 4,00,68,200 sem tur a ni.

Committee chairman Dr Lalhriatzuali Ralte, Aizawl DC chuan, vawk hri hlauhawm tak darh zel tur venna atan mahni chànna tur pawh pawi ti loa vawk vulh lai suattirtute chungah lawmthu sawiin, "Tunah ASF hri thawh hnihna a léng leh mek a, hri léng hi kan dan chah theih­na turin mi tin kan pawi­mawh vek a ni," a ti.